Raden Dewi Sartika

Salah sahiji pahlawan ti sunda anu ageung jasana dina bidang atikan, nyaėta ibu Radėn Dėwi Sartika. Radėn Dėwi Sartika lahir dina tanggal 4 Dėsėmber  1884 di Bandung. Moal aya nu bireuk ka Radėn Dėwi Sartika mah sabab anjeuna tėh pahlawan sunda nu bajoang dina widang atikan. Ibuna jenenganana tėh Nyi Raja Permas, ari ramana nyaėta Radėn Somanagara. Boh ibuna boh ramana duanan ogė tedak mėnak sunda anu nyekel kakawasaan di Tanah Ukur.

Sanggeus ramana pupus, Radėn Dėwi Sartika pindah ka Cicalėngka. Didinya anjeuna di rorok ku kapiramana, raka ibuna anu jeneng patih Cicalėngka. Salila di Cicalėngka, anjeuna mah mindeng ka sakolaan. Ari murid-muridna tėh nyaėta barudak kusir, budak babu, budak koki di kapatihan, jsb. Teu wudu matak ribut, da jaman harita mah kasebut anėh amun aya barudak turunan cacah nu bisa maca jeung nulis tėh. Komo deui ieu mah nu ngajaranna ogė Radėn Dėwi Sartikaanu umurna karėk manjing 10 taun.

Dina mangsa rumaja ,Radėn Dėwi Sartika tėh pindah deui ka Bandung.anjeuna gancang ngadeuheusan ka bupati Martanagara,tunggal kapiramana kėnėh. Pangna ngadeuheusan tėh taya lian iwal ti hayang diidinan pkeun muka sakola awėwė. Kabeneran tarėkah Radėn Dėwi Sartika tėh tinemu hasil. Nya dina tanggal 16 januari 1904 ngadeg sakola awėwė anu munggaran di Indonesia, ėta sakola tėh ngarana sakola kautamaan istri lila sakola kautamaan istri teh beuki mekar waė.Antukna di sakabėh kota kabupatėn nu aya di tanah Sunda geus ngadeg Sakola Kautamaan Istri.atuh Radėn Dėwi Sartika beuki kamashur baė.Urang

lembur ogė apaleun kana ngaran Radėn Dėwi Sartika mah.Tah,dina taun 1929 pamarėntah walanda mėrė hadiah ka Radėn Dėwi Sartika.Ari hadiahna tėh nyaėta gedong sakola modern anu di ngaranan “Sakola Radėn Dėwi” di sagėdėngeun ti ėta,Radėn Dėwi Sartika ogė di bėrė panghargaan bėntang pėrak,jeung di angkat jadi Raidder in Deranye Nasaude.

Saenggeus leuwih ti 40 taun bajoang dina widang atikan,Radėn Dėwi Sartika di pundut kunu Rahayu. Kira wanci pecat sawed,dina usum halodo,pancegna dina tanggal 11 September 1947,Radėn Dėwi Sartikapupus di pangungsian,nyaeta di Cinėam Tasikmalaya.Tah,harita pisan urang sunda kaleungitan pahlawan wanoja tėh.